Nanci Itijat Aarmau Chichama Etserin (GTANW)
GTANW 12/12/20.- Tarimiat shuarti iruntramu untri chicham umikmaunam, kanusnum juu nantuajui Diciembre tikischik uwej amua tikich imiar iruak uwi 2020, wampis natsa ainianu unuimita najanawarai chicham tuntuinium etsertat weantun.
Juu unuimata junaka jintiawarai chichaman etserin ainia nuu Kathia Carrillo Garrido, Evaristo Pujupat Shirap, Milton Antonio Antich, jintiawarai urukuk amaiñait chichaman etserniusha, tikichik chicham aakmarar penker etsertaiya nuna, inkuniakar aujmatan, chichan enketai, nuiya chicham najanar tuntuiniam akuptai, nuu aiña nuna jintiawarai, juu unumiat junaka pamuk chichamruku asamtai atikias takaki wenawai. Natsa ainiasha chicham etsertan unuimiak etserin arti tusa iña nunke itiurchat nuiya takat weanuna uyujmakti tamaujai unuimaiñawai, arumainka juu artiñaiti chichaman etserin aiñaka, wampisan nunkeyajuinka.
